Komuna e Prishtinës ka njoftuar se më 21 dhe 22 maj, pjesa qendrore pranë katedrales “Nënë Tereza” do të mbyllet me rastin e Festivalit të Pranverës.
Hapësira e mbyllur e rrugës “Xhorxh Bush” do të shëndrrohet në hapsirë të komunitetit e cila do të përfshijë rekreacion, muzikë dhe art të demostruar në pjesën kryesore të qytetit.
Kjo kauzë ka për qëllim promovimin e lëvizjes së lirë përmes zgjidhjeve kreative ekomobile të cilat u ofrojnë mundësi qytetarëve të përjetojnë udhëtimin përmes transportit alternativ të integruar gjithëpërfshirës e të shëndetshëm.
Rruga ‘Xhorxh Bush’, duke vazhduar në drejtim të Bankës Qendrore Rrugës ‘Garibaldi’, deri te semaforët pranë Bankës Qendrore të Kosovës, pritet të jenë të mbyllura nga ora 07:00 e mëngjesit deri në 21:00.
Të njëjtin bllokim, e ka paralajmëruar edhe Kryetari i Komunës së Prishtinës, Përparim Rama.
“Festivali i Pranverës” do të vazhdojë të organizohet në edicione çdo vit.
