Policia e Kosovës ka njoftuar se duke filluar nga data 3 prill, gjobat e trafikut do të dërgohen drejtpërdrejt te pronari i automjetit, pavarësisht se kush e ka drejtuar atë në momentin e shkeljes.
Sipas njoftimit zyrtar, gjobat do të dorëzohen përmes Postës së Kosovës dhe platformës e-Kosova.
Njoftimi i plotë:
Dërgimi i gjobave të trafikut në adresë të pronarit të automjetit
Nga data 3 Prill 2025, Policia e Kosovës do të fillojë dërgimin e gjobave të trafikut në adresë të pronarit të automjetit për kundërvajtjet e identifikuara përmes kamerave dhe radarëve.
Si do të dërgohen gjobat?
Përmes Postës së Kosovës
Përmes platformës e-Kosova
Çka duhet të dini?
Pronari i automjetit do të pranojë gjobën në adresën e tij.
Nëse ai nuk ishte drejtuesi i mjetit në momentin e shkeljes, është i detyruar të sigurojë të dhënat e shoferit.
Mosdorëzimi i këtyre të dhënave sjell masa ligjore për personat fizik dhe juridik sipas nenit 254 të Ligjit nr. 08/L-186.
Lehtësira për qytetarët
Përfitoni -50% zbritje në pagesë, nëse e paguani brenda afatit ligjor!
Keni të drejtën e ankesës nëse nuk pajtoheni me gjobën.
A keni shitur një automjet?
Nëse nuk e keni më në pronësi një automjet, njoftoni autoritetet dhe transferoni pronësinë, për të shmangur gjobat dhe shqetësimet e panevojshme.
Respektoni rregullat e trafikut dhe kontribuoni në sigurinë rrugore!
Policia e Kosovës | Siguria në rrugë është përgjegjësi e përbashkët!