Ka nisur ndeshja mes Kombëtares së Shqipërisë dhe asaj të Kroacisë, duke filluar nga ora 15:00 në stadiumin “Volkspark” në Hamburg.
Të dyja kombëtaret e kanë këtë ndeshje thuajse vendimtare për fatin e tyre dhe duan të marrin pikët e para në Kampionatin Evropian.
Ndryshe, formacionet zyrtare janë publikuar nga dy selektorët e kombëtarëve, ku trajneri i shqiptarëve, Sylvinho ka bërë dy ndryshime nga ndeshja me Italinë, duke inkuadruar Qazim Laçin dhe Rey Manajn në vend të Taulant Seferit dhe Armando Brojës.
Shqipëria: Strakosha; Hysaj, Ajeti, Gjimshiti, Mitaj; Asllani, Ramadani, Laçi; Asani, Manaj, Bajrami;
Kroacia: Livakovic, Juranovic, Sutalo, Gvardiol, Perisic, Modric, Brozovic, Kovacic, Majer, Petkovic dhe Kramaric.
Po ashtu, sot do të zhvillohen edhe dy ndeshje të tjera në kuadër të Kampionatit Evropian.
Gjermania do të ndeshet me Hungarinë në orën 18:00, ndërsa Zvicra me Skocinë në orën 21:00.
Sa i përket mbështetjes së ekipit kombëtar të Shqipërisë, edhe kryeministri i Kosovës, Albin Kurti, sot do të jetë në stadiumin e Hamburgut për ta përcjellë nga afër ndeshjen e “Euro 2024” mes Shqipërisë dhe Kroacisë, e cila luhet nga ora 15:00.