Një ngjarje tragjike ka tronditur qytetin e Prishtinës, ku një vajzë 18-vjeçare ka humbur jetën pasi ka rënë nga një ndërtesë banimi.
Rastin për portalin Dukagjini e ka konfirmuar zëdhënësi i Policisë në rajonin e Prishtinës, Agron Borovci.
Ngjarja ka ndodhur rreth orës 20:30 në rrugën “Sali Nivica”.
Pas raportimit të ngjarjes, Policia ka reaguar menjëherë dhe kanë ftuar mjekët emergjent në vendin e ngjarjes.
“Rreth orës 20:30, është raportuar se në rrugën “Sali Nivica” në Prishtinë, një person ka rënë nga lartësia e një objekti. Policia menjëherë ka dalë në vendin e ngjarjes ku ka ftuar edhe mjekët emergjent të cilët kanë konstatuar se personi, femër, rreth 18 vjeç, është pa shenja jete. Aktualisht policia ka nisur punën për zbardhjen e plotë të të gjitha rrethanave që karakterizojnë ngjarjen”, ka thënë Borovci.
Njësitet kompetente të policisë ndodhen në vendin e ngjarjes dhe po kryejnë ekzaminimet e nevojshme për të sqaruar shkaqet e kësaj ngjarjeje tragjike.