Në orët e para të mëngjesit të së enjtes, një zjarr ka shpërthyer në një banesë në fshatin Nikoliq të Hasit, ku si pasojë kanë ndërruar jetë dy persona.
Siç raport Klan-i, viktimat janë djali R.L. dhe nëna e tij, F.L.
Sipas Policisë së Kukësit, R.L. arriti të shpëtonte bashkëshorten e tij, por u kthye për të ndihmuar nënën e tij që ishte mbërthyer nga flakët.
Por, ai dhe nëna e tij humbën jetën në zjarrin e madh.
“Rreth orës 02:00, në fshatin Nikoliq, dyshohet se aksidentalisht ka rënë zjarr në banesën e shtetasit R. L. Si pasojë e zjarrit, kanë humbur jetën shtetasi R. L. dhe nëna e tij, shtetasja F. L., ndërsa bashkëshortja e shtetasit R. L., shtetasja A. L., ka mundur të dalë nga banesa”, thuhet në njoftimin e policisë.
Trupat e pajetë u gjetën nga forcat zjarrfikëse pas ndërhyrjes për të shuar flakët.
Hetimet për shkakun e zjarrit, i cili dyshohet të ketë qenë aksidental, janë në vazhdim nga grupi hetimor dhe prokurori.