Një aksident i rëndë trafiku ka ndodhur në fshatin Gërdovc të Podujevës, me ç’rast ka mbetur e vdekur një grua.
Sipas raportit të policisë, shkaktar i aksidentit ka qenë pakujdesia e drejtuesit të automjetit, duke e goditur kështu një veturë tjetër.
Si pasojë 7 persona janë dërguar në QKUK, ku pastaj edhe një nga viktimat nuk ka mundur t’i përballojë plagët.
“Me datën e cekur kishte ndodhur aksident trafiku, në të cilin, ishin përshirë dy vetura. I dyshuari mashkull kosovar derisa ishte duke drejtuar veturën dyshohet se nga pakujdesia ka shkaktuar aksidentin, duke goditur veturën tjetër të cilën ishte duke e drejtuar viktima mashkull kosovar. Si pasojë, lëndime kanë pësuar shtatë pasagjerë kosovarë, të cilët ishin dërguar për tretman mjekësor. Me datë 21.05.2023, viktima femër kosovare e cila ishte duke u trajtuar në QKUK, dyshohet si pasojë e lëndimeve ka ndërruar jetë. Me urdhër të prokurorit, trupi i pajetë i viktimës është dërguar në IML për obduksion. Rasti në proces hetimor”, thuhet në njoftim.