Në fshatin Obranq të Podujevës një grua ka ndërruar jetë pas një sulmi në zemër nga frika e shkaktuar nga ndjekja e qenve.
Lajmin e ka konfirmuar shefi i Urgjencës në Podujevë, Arben Beqiri.
Ai bëri të ditur se gruaja nuk ishte kafshuar nga qentë, por kishte përjetuar një tronditje të fortë që i shkaktoi sulmin në zemër.
“Rasti ka qenë në emergjencë dhe ajo ka vdekur si pasojë e sulmit në zemër. Mendohet se ka vdekur prej frikës pasi është ndjekur nga qentë, por këtë e përcakton autopsia.
“Gruaja ka qenë e moshuar, ka pësuar sulm në zemër. Ne e kemi rianimuar, e kemi kthyer prapë në jetë, por pas gjysmë ore ka vdekur”, ka thënë Beqiri.
Beqiri tutje ka shtuar se nuk ka të dhëna të sakta për moshën e viktimës.