Një person ka vdekur dhe katër të tjerë janë lënduar, si pasojë e një vetaksidenti në Autostradën “Ibrahim Rugova”, në drejtimin Vërmicë-Gjurgjicë.
Këtë e ka konfirmuar për Portalin Dukagjini, zëdhënësi i Policisë së Kosovës, Bajram Krasniqi, i cili ka thënë se në aksident është përfshirë vetëm një veturë.
“Sot, më 19.08.2022, rreth orës 13:30, në autostradë drejtimi Vërmicë-Gjurgjicë (kilometri i 56-të), ka ndodhur një aksident trafiku. Në aksident është përfshirë vetëm një veturë (vetaksident). Si pasojë e aksidentit një person ka humbur jetën dhe katër të tjerë kanë pësuar lëndime. Policia dhe ekipe të tjera kanë dalë në vendngjarje”, ka thënë Krasniqi.