Një person është gjetur pa shenja jete mbrëmjen e së hënës në rrugën “Fehmi Agani” në Prishtinë. Sipas njoftimit të Policisë së Kosovës, viktima është një shtetas i huaj, ndërsa rrethanat e rastit po hetohen.
Këtë e ka konfirmuar zëdhënësja e Policisë për rajonin e Prishtinës, Flora Ahmeti.
“Rreth orës 22:00 është raportuar për një person pa shenja jete, në rrugën “Fehmi Agani” në Prishtinë. Me të marrë informatën policia ka dalë në vendin e ngjarjes dhe ka filluar menjëherë me ndërmarrjen e veprimeve hetimore me synim sqarimin e rrethanave të rastit. Në vendin e ngjarjes mjekët emergjent kanë konstatuar vdekjen e viktimës, mashkull, shtetas i huaj”, ka njoftuar Ahmetu.