Një ngjarje tragjike ka ndodhur rreth orës 11:00 në lagjen Veternik, ku një person, i cili po punonte në një objekt, ka rënë nga një lartësi dhe ka pësuar lëndime të rënda.
Sipas njoftimit nga Flora Ahmeti, zëdhënëse e Policisë së Kosovës për rajonin e Prishtinës, personi i moshës rreth 50 vjeçare dhe shtetas i huaj, ka ndërruar jetë në vendin e ngjarjes si pasojë e lëndimeve.
“Rreth orës 11:00 është marrë informata se një person, rreth 50 vjeç, ka rënë nga një lartësi deri sa ka qenë duke punuar në një objekt në lagjen Veternik.Si pasojë e lëndimeve, personi, mashkull (shtetas i huaj), ka ndërruar jetë. Vdekja e tij është konstatuar nga ekipi i mjekëve emergjent në vendin e ngjarjes. Policia në koordinim me inspektorët e punës dhe prokurorinë kanë nisur hetimin e rrethanave që karakterizojnë rastin”, ka njoftruar Ahmeti.