Drekën tradicionale të Krishtlindjes, presidentja e Kosovës, Vjosa Osmani e ka kaluar në kampin amerikan ushtarak, në Bondsteel.
Me anë të një postimi në llogarinë e saj në Twitter, Osmani ka falënderuar ushtarët për shërbimin e tyre në Kosovë dhe për mbështetjen e palëkundur ndaj Kosovës.
“E lumtur që u bashkohem ushtarëve amerikanë dhe ambasadorit amerikan në Kosovë Jeff Hovenier në kampin Bondsteel për drekën tradicionale të Krishtlindjes. Përcolla mirënjohjen tonë për shërbimin dhe mbështetjen e palëkundur të tyre ndaj vendit tonë”, shkroi Osmani.
Po ashtu, presidentja e vendit shtoi se “lidhja Kosovë-SHBA është më e fortë se kurrë”.
“Gëzuar Festat”, uroi ajo.
Happy to join U.S. soldiers and @USAmbKosovo Hovenier at Camp Bondsteel for the traditional Christmas lunch.
Conveyed our gratitude for their service and steadfast support to our country. The 🇽🇰-🇺🇸 bond is stronger than ever. Happy Holidays! pic.twitter.com/0B9FpGV7wa
— Vjosa Osmani (@VjosaOsmaniPRKS) December 25, 2022
Gjatë së shtunës së 24 dhjetorit, presidentja Osmani ka thënë se kremta e Krishtlindjes sjell mesazhin e paqes, dashurisë, respektit, mirëkuptimit dhe tolerancës.
“Uroj të gjithë besimtarët e krishterë që në këtë ditë ta rrisin shpresën e t’i hapin zemrat. Në shtëpinë e secilit të mbizotërojë shëndeti, lumturia e paqja!”, ka shkruar Osmani.
Osmani ka përcjellë mesazhin që “të jemi solidarë, të reflektojmë harmoni e të festojmë bashkë”.
“Kremta e Krishtlindjes sjell mesazhin e paqes, dashurisë, respektit, mirëkuptimit dhe tolerancës. Uroj të gjithë besimtarët e krishterë që në këtë ditë ta rrisin shpresën e t’i hapin zemrat. Në shtëpinë e secilit të mbizotërojë shëndeti, lumturia e paqja! Të jemi solidarë, të reflektojmë harmoni e të festojmë bashkë! Për shumë mote, Gëzuar!”, ka shkruar presidentja e Kosovës, Vjosa Osmani në Facebook.