Presidentja Vjosa Osmani, së bashku me zotërinë e parë, Prindon Sadriu, kanë marrë pjesë në pritjen zyrtare të organizuar nga presidenti i Shteteve të Bashkuara të Amerikës, Joe Biden dhe zonja e parë Biden.
“Aleancë që qëndron në themelet e shtetit tonë! Faleminderit presidentit Biden dhe zonjës së Parë Dr. Biden për mikpritjen dhe bashkëbisedimin!”, citohet presidentja Osmani në njoftimin e Zyrës së Presidencës.
Osmani po qëndron në SHBA në kuadër të Javës së Nivelit të Lartë të Sesionit të 79-të të Asamblesë së Përgjithshme të OKB-së.
Përveç presidentit Bidenit, ajo është takuar edhe me liderë të tjerë botërorë.