Presidentja e Kosovës, Vjosa Osmani, ka thënë se përmes aplikimit të Kosovës për anëtarësim në Këshillin e Evropës, mund të jepet një mesazh i fuqishëm se Evropa qëndron e fortë në përkushtimin e saj ndaj demokracisë.
“Sot anëtarëve të Asamblesë Parlamentare të Këshillit të Evropës u është dhënë mundësia për të dërguar një mesazh të fortë, që Evropa qëndron fuqishëm në angazhimin e saj për demokracinë dhe të drejtat e njerëzve”, ka shkruar Osmani në platformën ‘X’.
Osmani ka thënë se kushdo që beson në një të ardhme me këto vlera, do të votojë pro anëtarësimit në Kosovës në Këshillin e Kosovës.
“Secili që beson vërtetë në një të ardhme me këto vlera, do të votojë në favor të anëtarësimit në Kosovës në KiE”, ka shkruar presidentja.
Today, @PACE_News Assembly Members are given the opportunity to send a powerful message that Europe stands strong in its commitment to democracy & human rights!
Everyone that truly believes in a future that upholds these values will vote in favor of 🇽🇰’s membership to the @CoE. pic.twitter.com/N1n7a98IUJ
— Vjosa Osmani (@VjosaOsmaniPRKS) April 16, 2024
Asambleja Parlamentare e Këshillit të Evropës ka bërë të ditur se çështja e anëtarësimit të Kosovës në KiE është këtë të martë në rend dite, në kuadër të agjendës së sesionit pranveror.
Gjatë një seance plenare në Strasburg, Kosova është pikë e parë e agjendës dhe do të diskutohet nga ora 10:30 deri në ora 12:30.
Lexo më shumë: Pritet votimi për procesin e anëtarësimit të Kosovës në Këshill të Evropës
Raporti është përpiluar nga deputetja greke Dora Bakojanis dhe drafti i këtij raporti është miratuar në mars nga Komisioni për Politikë dhe Demokraci i kësaj organizate.
Pra, sot Asambleja Parlamentare e Këshillit të Evropës me dy të tretat e votave të të gjithë deputetëve të pranishëm nga të gjitha shtetet anëtare, do të votojë rekomandimin për Këshillin Ministror për anëtarësimin e Republikës së Kosovës në Këshillin e Evropës.