Presidentja e Kosovës Vjosa Osmani ka thënë se Kosova dhe Shqipëria janë dy shtete të pandashme që janë pjesë e një kombi të madh.
Ajo tutje është shprehur se seanca e përbashkët e dy kuvendeve, të Kosovës dhe Shqipërisë “duhet shërbej si një thirrje për veprim, ne po jetojmë në një kohë të trazuar që do një bashkëpunim”.
“Një Shqipëri e fort do të thotë një Kosovë me të fortë. Dua të shpreh urimet e mia të përzemërta për arritjet e Shqipërisë për hapat në anëtarësimin në Bashkimin Evropian. Edhe Kosova mbetet e angazhuar çdo ditë për tu anëtarësuar në BE”, ka thënë ajo.
E para e vendit tutje tha se pengesat të cilat i ka Kosova janë të mëdha.
“Fatkeqësisht pengesat që Kosova përballet janë të mëdha, për të kaluar këto pengesa na duhet mbështetja e Shqipërisë. Anëtarësimi i Kosovës në NATO do i jepte fund apetiteve të Serbisë mbi Kosovën”, ka thënë ajo.