Kryeministri në detyrë i Malit të Zi, Dritan Abazoviq, është takuar të martën e 7 shkurtit me presidenten e Republikës së Kosovës, Vjosa Osmani.
Gjatë takimit të mbajtur ata janë dakorduar për përmirësim të bashkëpunimit, me fokus te zhvillimi ekonomik dhe projektet infrastrukturore që mund të lidhin dy vendet.
Abazoviq ka shkruar një postim në llogarinë e tij në Facebook pas takimit me Osmanin, ku është shprehur se Mali i zi po nxit bashkëpunimin dhe pajtimin në rajon.
“Mali i Zi po nxit bashkëpunimin dhe pajtimin në rajon. Vazhdojmë të udhëheqim politikën e fqinjësisë së mirë dhe të mbajmë fokusin në zhvillim ekonomik dhe projekte infrastrukturore që do të na lidhin edhe më mirë. Sot me shumë kënaqësi pritëm Vjosa Osmanin, Presidente e Kosovës, e cila po qëndron për vizitë zyrtare në vendin tonë”, ka shkruar Abazoviq.
Një reagim rreth takimit me Abazoviq, e kishte bërë edhe presidentja e Republikës së Kosovës, Vjosa Osmani, e cila ka shkruar në rrjetin e saj në twitter, që ka thënë se më kryeministrin në detyrë Dritan Abazoviq kanë diskutuar për rëndësinë e integrimit euroatlantik.
Derisa ka shtuar se do të vazhdohen përpjekjet për të hapur kapituj të rinjë bashkëpunimi.
“Së bashku me kryeministrin Dritan Abazovic, diskutuam rëndësinë e madhe të integrimit euroatlantik për vendet demokratike të rajonit tonë. Ne do të vazhdojmë përpjekjet tona për të arritur qëllimin tonë të përbashkët dhe për të hapur kapituj të rinj bashkëpunimi”, ka shkruar Osmani në Twitter.
Together with Prime Minister @DritanAbazovic, we discussed the paramount importance of Euro-Atlantic integration for the democratic countries in our region.
We will continue our efforts to achieve our common goal & to open new chapters of cooperation. 🇽🇰🇲🇪 pic.twitter.com/RTbLMKl1fT
— Vjosa Osmani (@VjosaOsmaniPRKS) February 7, 2023
Ndryshe, Osmani po qëndron për vizitë zyrtare në Mal të Zi.