Presidentja e Kosovës, Vjosa Osmani, në 26-vjetorin e rrëmbimit të dhunshëm nga regjimi gjenocidal serb të bashkëshortit dhe katër djemve të Ferdonije Qerkezit, ka vizituar atë në shtëpinë e saj.
Osmani në një postim në Facebook, ka theksuar se kauza e saj është edhe kauza jonë.
Ajo ka njoftuar se gjatë takimit me Ferdonijen ka takuar edhe nënat e tjera të Gjakovës të cilat kanë humbur të dashurit e tyre nga krimet makabre të Serbisë.
“Eshtrat e dy djemve të Nënës Ferdonije janë gjetur, teksa fati i bashkëshortit dhe dy djemve të tjerë vazhdon të mbetet peng. Megjithatë, ajo nuk është dorëzuar. Dhimbjen e ka shndërruar në forcë, stoicizëm dhe në kauzë për drejtësi”, ka shkruar Osmani në Facebook.
“Dhimbja e saj është edhe e jona. Kauza e saj është edhe e jona. Dhimbje e kauzë e gjithë Kosovës”, ka shkruar tutje Osmani.