Republika e Kenias ka njohur zyrtarisht pavarësinë e Kosovës, me lobim direkt të ish-presidentit Behgjet Pacolli.
Departamenti i Punëve të Jashtme i Kenias ka njoftuar se Pacolli, ishte i dërguar special i Presidentes së Kosovës, Vjosa Osmani, për të zhvilluar takimin e rëndësishëm me Presidentin e Kenias, William Ruto, në Nairobi.
Kenia e ka njohur këtë të enjte pavarësinë e Kosovës, duke u bërë shteti i 118-të që e njeh vendin.
Për këtë vendim njoftoi ish-presidenti Pacolli i cili ka thënë se njohja është rezultat i angazhimit të tij.
Më vonë, notën verbale të shtetit afrikan e konfirmoi presidentja Vjosa Osmani, e cila pasi tha se e ka takuar disa herë presidentin kenian, ia njohur meritat edhe Pacollit.
Kurse Ministria e Punëve të Jashtme dhe Diasporës, ka heshtur.