Pamje nga takimi në mes të Gërvallës dhe Borellit, është diskutuar për sigurinë në rajon

Takimet po mbahen në kuadër të një darke jofromale të shtruar nga BE-ja. Siç është thënë aty është diskutuar siguria në rajon dhe ndikimi i agresionit rus në Ukrainë

Ministria e Punëve të Jashtme të Kosovës, ka njoftuar se në takimin me Përfaqësuesi i Lartë i Bashkimit Evropian për Politikë të Jashtme dhe Siguri, Josep Borell kanë folur për integrimin dhe zhvillimin e mëtejmë të regjionit.

Borell kishte njoftuar se në takimin jofromal të thirrur nga ai, do të diskutohet rreth ndikimit të luftës nga Putini “ të paprovokuar kundër Ukrainës”.

I ftuar në darkën e organizuar nga BE-ja ishte edhe Edi Rama i cili e postoi një foto me Borell-in , në llogarinë e tij në Facebook.

Përfaqësuesi i Lartë i Bashkimit Evropian për Politikë të Jashtme dhe Siguri, Josep Borell, kishte organizuar një darkë me liderët e Ballkanit Perëndimor në Bruksel të mërkurën e 11 majit.

Në këtë darkë joformale është thënë se do të diskutohet për të ardhmen e rajonit dhe sfidat kryesore me të cilat po përballet.

Ndërkaq, Takimi i radhës midis Kosovës dhe Serbisë në nivel të kryenegociatorëve do të mbahet të premten e 13 majit, në Bruksel.

Ky takim pritet të shërbejë si përgatitje për takimin e ardhshëm në nivel të lartë për dialogun Prishtinë-Beograd.

Kështu ka deklaruar për Portalin D në një përgjigje me shkrim, zëdhënësi i Bashkimit Evropian, Peter Stano.

Sipas tij, takimi në mes kryenegociatorit të Kosovës, Besnik Bislimi, dhe atij të Serbisë, Petar Petkoviq, ka për synim të vazhdojë diskutimet për gjetjen e rrugës përpara për një numër çështjesh.

Peter Stano

“Dialogu i ndërmjetësuar nga BE do të vazhdojë të premten më 13 maj me një takim në nivelin e kryenegociatorëve në Bruksel. Qëllimi është të vazhdojnë diskutimet për gjetjen e një rruge përpara për një sërë çështjesh, dhe të përgatitet takimi i ardhshëm i nivelit të lartë të Dialogut”, ka deklaruar Stano.

Ai ka potencuar se çështja e targave, energjisë dhe personat e pagjetur do të jenë sërish në agjendën e diskutimit.

Shija e redaktorit

Ushtria amerikane numër 1 në botë, FSK e fundit në...

Kosova është me fat, sepse miku më i madh i saj, Shtetet e Bashkuara të Amerikës mbeten bindshëm larg fuqia më e madhe ushtarake...

Shtëpia botuese “Dukagjini” nesër promovon librin “Aneta: një epos heroinash”...

Për të gjithë ju, dashamirë të librit, ju njoftojmë që shtëpia botuese “Dukagjini, më datë 21 shkurt, ditën e premte, në orën 18:00, në...

Rama uron Kurtin me rastin e 17-vjetorit të shpalljes së...

Kryeministri i Republikë së Kosovës, Albin Kurti ka pranuar urime nga Kryeministri i Shqipërisë, Edi Rama me rastin e 17-vjetorit të shpalljes së Pavarësisë...

Të fundit nga rubrika