Dogana e Kosovës ka njoftuar për parandalimin e dy raste të kontrabandës në dy raste të ndara.
Në njoftimin e Dogana e Kosovës thuhet se në Han të Elezit është ndaluar mbrëmjen e së dielës një automjet dhe gjatë kontrollit i janë gjetur 226 paketime parfumesh në vlerë prej mbi 13.000 euro.
Dogana njoftoi se mallrat janë konfiskuar dhe iu janë nënshtruar procedurave të origjinalitetit.
“Rasti 1: mbrëmë më ora 20:50, oficerët doganorë ndaluan një automjet me targa kosovare. Derisa pala kur u pyet nëse kishte diçka për të deklaruar, u përgjigj “Jo.” Gjatë një kontrolli të bagazhit dhe ndarjes së gomës rezervë, oficerët zbuluan 226 paketime parfumesh nga marka si të njohura , me një vlerë totale prej 13,699.70 €. Pas zbulimit mallrat janë konfiskuar dhe për momentin iu janë nënshtruar procedura të origjinalitetit të tyre.
Rasti 2: mbrëmë në orën 22:45, një automjet targa të RMV u ndalua për kontroll. Pas deklarimit të shoferit se nuk kishte mallra për të deklaruar, oficerët kryen një kontroll të dytë dhe zbuluan 40,000 cigare elektronike me vlerë prej 4,340.00 €, të fshehura në pjesë të ndryshme të automjetit.
Të dy personat kanë shkelur Kodin e Doganës dhe të Akcizave të Kosovës. Rastet i janë referuar Sektorit të Kundërvajtjeve Doganore për veprime të mëtejshme ligjore, derisa sektori i Hetimeve është duke punuar në hetime shtesë”, thuhet në njoftim.
