Ish-gjenerali dhe njëherësh, ish-nënkryetari i komunës së Skenderajt, Nuredin Lushtaku është dorëzuar në polici pas urdhërit për ndalimin e tij nga Prokuroria Themelore e Mitrovicës.
Lajmin për Portalin Dukagjini e ka konfirmuar zëdhënësi i kësaj prokurorie, Valon Preteni.
Ai ka thënë shkurt se “Lushtaku është vetëdorëzuar”.
Më herët të hënën, Prokruroria Themelore e Mitrovicës ka kërkuar nga Gjykata Themelore që të caktojë masën e paraburgimit për Faton Lushtakun dhe Arif Lushtakun.
Njëherësh, masa e njëjtë do të vlejë edhe për ish-gjeneralin, Nuredin Lushtaku.
Lushtaku dhe familjarët e tij dyshohen se kanë plagosur dy zyrtarë policorë të shtunën mbrëma në Skenderaj, si shkak i shqiptimit të një gjobe për kundërvajtje në trafik.