Ndërtesa e komunës së Zveçanit është sulmuar me granatë dore, mbrëmë pas mesnate.
Përveç policisë, rastin e ka konfirmuar edhe kryetari i kësaj komune, Ilir Peci.
Ai ka publikuar disa fotografi se si duket komuna sot, pasi sulmit të mbrëmshëm.
Peci ka dënuar aktine dhunshëm dhe tregon se sulmi ka shkaktuar dëme materiale, por fatmirësisht nuk ka pasur të lënduar.
”Sulm me granata dore rreth orës 23:45 në objektin e Komunës së Zveçanit. Mbrëmjen e djeshme, rreth orës 23:45, disa individë të paidentifikuar kanë kryer një sulm ndaj objektit të Komunës së Zveçanit me granata dore. Ky akt i dhunshëm ka shkaktuar dëme materiale, por fatmirësisht nuk ka pasur të lënduar. Si Kryetar i Komunës, unë e dënoj fuqishëm këtë akt të papranueshëm të dhunës dhe terrorit ku para dy dite ka ndodhur i njëjti sulm në stacionin policor të Komunës së Zveçanit”, ka shkruar kryetari i Zveçanit Ilir Peci në Facebook.