Gjenerali i lartë amerikan, Mark Milley ka biseduar me shefin e shtabit të përgjithshëm të Rusisë, Valery Gerasimov, përmes telefonit, ka konfirmuar ushtria amerikane.
“Udhëheqësit ushtarakë diskutuan disa çështje shqetësuese që lidhen me sigurinë dhe ranë dakord të mbajnë linjat e komunikimit të hapura,” ka thënë një zëdhënës i Milley, kryetar i Shtabit të Përbashkët të SHBA, transmeton “Reuters“.
Thirrja u bë pasi sekretari amerikan i mbrojtjes, Lloyd Austin, foli me homologun e tij rus javën e kaluar, hera e parë që kur Rusia filloi pushtimin e saj të Ukrainës në shkurt.
Një zyrtar i lartë i Departamentit të Mbrojtjes ka thënë se Austin beson se biseda, një orëshe, ishte e rëndësishme në përpjekjen për të mbajtur linjat e komunikimit të hapura. Ajo nuk zgjidhi ndonjë “çështje akute” ose çoi në ndonjë ndryshim në atë që rusët po bëjnë. Lufta hyn në javën e 12-të të saj.
Thirrja e iniciuar nga Austin shënoi kontaktin e nivelit më të lartë amerikan me një zyrtar rus që nga fillimi i luftës në fund të shkurtit.
Kjo është biseda e parë mes Austin dhe Shoigu që nga 18 shkurti, një javë para fillimit të luftës.
Një zyrtar tjetër i lartë tha të premten se Milley pritet të kontaktojë gjithashtu homologun e tij, gjeneralin Valery Gerasimov, shefin rus të shtabit të përgjithshëm.
Në një deklaratë, Pentagoni tha se Austin “kërkoi një armëpushim të menjëhershëm në Ukrainë dhe theksoi rëndësinë e mbajtjes së linjave të komunikimit”.
Disa zyrtarë e përshkruan thirrjen si një hap pozitiv, por thanë se nuk kishte asnjë arsye të qartë pse rusët vendosën të vazhdonin me bisedën të premten. Zyrtari i mbrojtjes tha se SHBA shpreson se do të shërbejë si një trampolinë për bisedat e ardhshme dhe se u duk se kërkesa e Austin për komunikim në të ardhmen u pranua.
Zyrtari e cilësoi tentorin e thirrjes si “profesionale”, por nuk dha detaje të tjera mbi përmbajtjen e saj.