Pothuajse secili market gjatë së shtunës ishte në gjendje të njëjtë.
Qytetarët kishin ardhur të furnizohen me produktet e nevojshme ushqimore për festën e Fitër Bajramit të dielën.
“Kanë mbetur edhe më pak se 30 minuta deri në iftarin e fundit për muajin e ramazanit, edhe këtë kohë qytetarët po e shfrytëzojnë që të blejnë harq për “Fitër Bajram”.
Falja e namazit të Bajramit do të bëhet në ora 06:59, derisa imami Labinot Maliqi rikujton rëndësinë festës.
Maliqi fton të gjithë besimtarët që të të shkojnë nëpër xhami për faljen e namazit.
Ndërsa gjatë ditës, edhe Myftiu i Kosovës, Naim Tërnava përcolli mesazhin e tij të urimit.
Tërnava: Fitër Bajrami është festë për bashkuese për myslimanet
“Për një muaj me radhë agjërimi mbushi zemrat dhe shpirtrat tanë me një ndjenjë të veçantë paqeje, qetësie e pse jo edhe krenarie, andaj festa e Fitër Bajramit, është mundësi për të shprehur mirënjohjen dhe gëzimin për arritjen e pastrimit shpirtëror që është shoqëruar me përkushtim dhe devocion”, ka thënë Naim Tërnava, Myftiu i Kosovës.
Ceremonia kryesore e faljes së “Fitër Bajramit” mbahet në “Xhaminë e Madhe” në Prishtinë.