Figura e Ipeshkëvit të Ipeshkvisë së Kosovës, Imzot Mark Sopi është përjetësuar me një bust të tijin në vendlindjen e tij, në Binçë të Vitisë.
I përcjellur në këngë e lutje, busti u zbulua nga i pari i Vitisë, Soko Haliti, i cili për të, pati veç fjalë lartësimi.
Për njeriun që jetën ia dedikoi Krishtit, të tjerë thonë se jetën nuk e pati të lehtë.
“Ai ka qenë më i madh se ky bust, shumë më i madh sepse ka ditë dhe ka dasht që t’ia investoj jetën e vet në lavdi të zotit dhe në të mirë të popullit. Mark Sopi ka qenë më i rëndesishëm se ky vend sepse ka vend në kujtesen historike. Por më dhimbset se gjithë mandatin e vet si ipeshkv i ka taku ta përjetoj më të keqen e historisë së vomshme, kohën e luftës e të pasluftës”, ka thënë ka deklaruar Dodë Gjergji, kryepeshkop.
E njëri që përkah rrugëtimit ishte me të, thotë se emërimi i tij kryeipeshkv i Kosovës nuk ishte i rastësishëm.
Krahas bustit, emrin e tij tanimë do ta mbajë edhe rruga.
Të pranishëm qenë ministra, deputetë, e dipolomat.
Mark Sopi ishte emëruar ipeshkëv i komunitetit katolik shqiptar të Kosovës, në nëntor të vitit 1995 nga Selia e Shenjtë.
Vdiq në moshën 68 vjeçare pas një sulmi në zemër më 11 janar të vitit 2006, në Prishtinë.