Pesë persona kanë mbetur të lënduar si pasojë e një aksidenti në mes tri veturave në Ferizaj.
Aksidenti ka ndodhur në rrugën “Ahmet Kaçiku”.
Zëdhënësi i Policisë së Kosovës për rajonin e Ferizaj, Kanun Veseli ka thënë se të lënduarit janë dërguar për ndihmë mjekësore në Qendrën Emergjente në Ferizaj.
“Me datën 16.11.2024 rreth orës 18:15 në rrugën ”Ahmet Kaçiku” në Ferizaj në afërsi të nënkalimit ka ndodhur një aksident komunikacioni rrugor, ku janë përfshirë tri vetura”.
Tutje ai ka shtuar se ”Veç dëmeve të shkaktuara materiale në vetura, lëndime trupore kanë pësuar pesë persona, të cilët për ndihmë mjekësore janë dërguar në Qendrën Emergjente në Ferizaj. Njësia e Hetimeve të Aksidenteve ka dalë në vendin e ngjarjes”, ka thënë Veseli.