Gazetari britanik, Piers Morgan, ka thumbuar sërish me fjalë Lionel Messin pas triumfit të tij në Kampionatin Botëror, duke shkruar se kinse futbollisti e ka tepruar me foto në rrjete sociale.
“OK, Lionel, e kuptojmë, ju fituat Kupën e Botës”, ka shkruar Morgan në Twitter, duke ndarë edhe foton e profilit të Messit në Instagram, ku kishte mbi 5 foto me kupë.
Morgan nuk e ka mohuar kurrë që për të Ronaldo është më i miri në të gjitha aspektet, ashtu si shoku i tij më i mirë ai pëlqen të bëjë shumë komente në lidhje me të.
Kujtojmë se, teksa Messi po ngrinte trofeun e Kupës së Botës për Argjentinën, Morgan vendosi t’u kujtojë të gjithëve se sipas tij, Ronaldo mbetet ende “the Goat”.
Yes, I agree that settles the debate once and for all… @Cristiano is the 🐐 pic.twitter.com/LRomQ5ol5T
— Piers Morgan (@piersmorgan) December 18, 2022
Prezantuesi i Talk TV ka marrë shumë kritika për këmbënguljen e tij të vazhdueshme se Ronaldo është futbollisti më i mirë i të gjitha kohërave, veçanërisht që nga transmetimi i intervistës së tij të diskutueshme me yllin portugez që i dha fund karrierës së tij në Manchester United muajin e kaluar.
Pas finales së së dielës, Morgan zbuloi se një meme në veçanti vazhdonte të shfaqej – një foto e korrigjuar e Messit që mban veshët e tij me Ronaldon dhe Morganin të ulur së bashku në anë të fushës – dhe në mënyrë sarkastike pretendoi se ai mund të “shpërthejë në lot” për shkak të kësaj.
“Faleminderit të gjithëve që ma dërguan këtë meme”, ka shkruar Morgan. “Është kaq e tmerrshme saqë mund të shpërthej në lot dhe të hedh të gjitha lodrat e mia nga karroca.
“Në një notë pozitive, njerëzit që më përqeshin do të detyrohen më pas të festojnë dobësinë time, brishtësinë emocionale dhe viktimizimin dhe unë do të bëhem hero”, kishte shkruar tutje ai.
Cristiano Ronaldo kishte reaguar vetëm një herë pas eliminimit nga Kampionati Botëror, duke thënë se fitimi i Kupës së Botës ishte ëndrra më e madhe e tij, por që mjerisht në humbjen ndaj Marokut ëndrra ka përfunduar.
“Fitimi i Kupës së Botës për Portugalinë ishte ëndrra më e madhe dhe më ambicioze e karrierës sime. Për fat të mirë kam fituar shumë tituj të dimensionit ndërkombëtar, përfshirë Portugalinë, por vendosja e emrit të vendit tonë në këmbët më të larta në botë ishte ëndrra ime më e madhe”, ka shkruar Ronaldo në rrjetin social Facebook.
Ai ka shtuar se ka luftuar shumë për këtë ëndërr, duke kujtuar se në 5 paraqitjet që shënoi në Kupat e Botës gjatë 16 vjetëve, gjithmonë ka qenë në krah të lojtarëve të mëdhenj dhe i mbështetur nga miliona portugez.