Në emisionin “Rreth e Rrotull” është diskutuar rreth emrit të artistes kosovare, Argenita Fetahu, të cilës që u shfaq në ekranin gjigant “Times Square” në New York.
Piktorja, Fetahu përtej pikturës së bashku me Mimoza Rracin u shfaqën në ekranin gjigant “Times Square” në New York.
“Ishte kënaqësi shumë e madhe pasi që përveç që përfaqësojmë veten tonë, njëkohësisht përfaqësojmë edhe vendin tonë”, u shpreh Fetahu.
Ajo njëherit theksoi edhe problemin me viza për artistët, pasi që si pasojë nuk kishte mundësi të shkonte atje fizikisht.
“Me dëshirë do të isha atje, por mundësite ishin të pakta”, tha Fetahu.
Sidoqoftë, ajo pa imazhin e saj në mënyrë virtuale duke ia përcjellur organizatorët.
Ndryshe, dy artistet nga Kosova, Argentina Fetahu dhe Mimoza Rraci, janë përzgjedhur në listën e “100 Female Artists of the World” (100 Artistet Femra të Botës), nga Vision Art Media.
Lista e 100 artisteve të përzgjedhura u shfaq në ekranin gjigant të Times Square në New York.