Zëvendëskryeministri i Maqedonisë së Veriut, Arben Fetai, ka denoncuar një kërcënim me jetë i dërguar në adresën e tij zyrtare, pasi foli publikisht për çështjen e statusit të gjuhës shqipe në Kushtetutën e Maqedonisë së Veriut.
Në FIVE të Dukagjinit, ai tregoi se kërcënimi përfshinte mesazhe me përmbajtje urrejtjeje dhe gjuhë pezhorative kundër shqiptarëve, duke përfshirë fraza si “Plumb në kokë për ty, Shqipo Fetai” dhe komente të tjera.
Fetai njoftoi se këtë kërcënim e ka denoncuar menjëherë tek autoritetet.
“Menjëherë në mbrëmje, pasi kanë qarkulluar lajmet, unë pranova në metalin zyrtar një kërcënim qyqar. I cili përveç se është kërcënim me jetë përmban edhe gjuhë të urrejtjes. Pra kërcënuesi më drejtohet me terma pezhorativ të llojit; vdekje për shqiptarët, shqiptari i mirë, shqiptar i vdekur e kështu me radhë, gjuha shqipe nuk do të futet në Kushtetutë, 20 për qind nuk do të hiqet dhe do marrësh plumb në kokë dhe do i vrasim të gjithë shqiptar. Këtu ishin pak a shumë mesazhet.
Menjëherë i kam denoncuar këto”, ka thënë Fetai.
Kërcënimi vjen pas një konference për shtyp në Shkup, ku Fetai ngriti çështjen e ndryshimeve kushtetuese dhe definimin e gjuhës shqipe në Kushtetutën e Maqedonisë së Veriut.
“Javën e kaluar më 9 nëntor isha pjesëmarrës në Shkup bashkë me ambasadorin e BE-së dhe gjatë konferencës pr shtyp pata një pyetje në lidhje me ndryshimet kushtuese dhe çështjen e definimit të gjuhës shqipe në Kushtetutën e Maqedonisë së Veriut. Ku prej viti 2002, kur janë bërë zbatimet kushtetuese për batimin e Marrëveshjes Kornizë së Ohrit, gjuhës shqipe Kushtetuta i referohet si një gjuhë që flitet nga së paku 20 për qind e popullatës. Dhe që është e ndryshme nga gjuha maqedonase. Pra unë thashë atë që e kemi thënë në vazhdimësi për vite me radhë; kjo çështje duhet të rregullohet dhe se ky definon fyes i gjuhës shqipe në Kushtetutën e vendit duhet adresohet, në mënyrë që të bëhet e qartë se për cilën gjuhë bëhet fjalë. Sepse vetëm shqiptarët ë kalojnë këtë prag të 20 për qindit…”, ka treguar Fetati.