Policia e Kosovës së bashku me Prokurorinë kanë realizuar sot një aksion në Pejë e në Istog kundër veprimtarive të strukturave ilegale.
Këtë e ka konfirmuar për Portalin Dukagjini, zëdhënësi i Prokurorisë së Pejës, Shkodran Nikqi.
“Po, Prokuroria së bashku me Policinë është duke zhvilluar një aksion në disa lokacione. Për detajet do t’ju informojmë me kohë”, ka thënë Nikqi.
Siç mëson Dukagjini, policia ka bastisur komunën paralele serbe që ndodhet në fshatin Gorazhdec të Pejës, ku nga kjo ndërtesë, në të cilën ushtrohej veprimtari ilegale, është hequr flamuri i Republikës së Serbisë.