Policia e Kosovës arreston në Leposaviq “bashkëpunëtorin e Vulinit”

Policia e Kosovës e ka arrestuar një serb në Leposaviq të dyshuar për vjedhje të identitetit. Sipas organeve të drejtësisë, ai kishte identitet tjetër me pasaportë të Serbisë e tjetër me të Kosovës. Sipas mediave, i arrestuari është person i afërt me ish-shefin e Shërbimit Sekret Serb, Aleksander Vulin

Ilustrim

Tash e një vit Policia e Kosovës kishte informacione për aktivitetin e dyshimtë të Marko Knezheviqin, por ka arritur që atë ta arrestoj mbrëmjen e së mërkurës.

Ai u kap në Leposaviq nën dyshimin për “vjedhje identiteti”.

Lajmi është konfirmuar nga zëvendësdrejtori i Policës për rajonin e veriut, Veton Elshani.

“Ne kemi pas informacion se ky person ka identitet të dytë, tash kemi has në këtë person, pastaj është sjell këtu dhe jemi shku edhe në banesën e tij,  ku kemi gjetë prova. Ky ka një identitet në pasaportën serbe dhe një identitet tjetër,  në pasaportën e Kosovës”, tha Veton Elshani, zëvendësdrejtori i Policisë së Kosovës për rajonin e veriut.

Siç kanë raportuar mediat serbe, i arrestuari është njeri i afërt me ish-shefin e Shërbimit Sekret të Serbisë, Aleksandar Vulin.

Sipas Policisë, kjo do të konfirmohet në një kohë tjetër.

“A ka qenë i afërt me Vulin apo më një person tjetër, atëherë do të dal gjatë hetimeve, ne nuk e dim”, tha Elshani.

Derisa hetimet po zhvillohen, Prokuroria në Mitrovicë, do të kërkojë paraburgim për dy vepra penale.

“Për personin me iniciale M.K, gjatë ditës do paraqitet kërkese për paraburgim për veprat penale “Vjedhja e identitetit dhe kredencialeve” dhe “Falsifikimi i dokumenteve”, tha Prokuroria Themelore në Mitrovicë.

Derisa,  sipas raportimeve, i njëjti për disa vite punoi për rrjetin “Most” si gazetar, përkatësisht anëtari i bordit.

 

 

Shija e redaktorit

Hysni Gucati, kryetar i ri i OVL-UÇK-së

Delegatët Kuvendi i pestë zgjedhor i Organizatës së Veteranëve të Luftës së Ushtrisë Çlirimtare të Kosovës, ia kanë besuar një mandat 4 vjeçar Hysni...

Walker: Ajo çka ndodhi në Reçak, ndryshoi Ballkanin

Ish-shefi i Misionit Verifikues të OSBE-së në Kosovë, ambasadori William G. Walker, ka rikujtuar masakrën së Reçakut, duke e cilësuar atë si një moment...

“Reçak: Historia e një krimi lufte”, nga William G. Walker...

Edhe pak ditë na ndajnë nga dita kur libri “Reçak: Historia e një krimi lufte” nga William Walker-i do të shohë dritën e botimit,...

Të fundit nga rubrika