Policia e Kosovës ka raportuar se një person ka vdekur si pasojë e një aksidenti trafiku mes një kombibusit dhe një veture në Gllarevë të Klinës të shtunën mbrëma.
Policia ka njoftuar se dy automjetet janë përfshirë nga flaka si pasojë e aksidentit, ndërsa drejtuesi i veturës nuk arriti të dilte nga vetura dhe ka humbur jetën.
Drejtuesi i kombibusit është arrestuar dhe dërguar në mbajtje.
“Gllarevë, Klinë / 03.08.2024-19:05. Raportohet për një aksident trafiku në mes dy automjeteve (njëri kombi bartës dhe tjetra veturë udhëtarësh) me targa vendore dhe drejtues meshkuj kosovarë. Si pasojë e aksidentit dy automjetet janë përfshirë nga flaka ku drejtuesi i veturës në pamundësi të dalë nga vetura është djegur nga zjarri dhe ka ndërruar jetë, vdekjen e të cilit e ka konstatuar ekipi mjekësor. Me urdhër të prokurorit, trupi i pajetë është dërguar në IML për obduksion, ndërsa drejtuesi tjetër si i dyshuar është arrestuar dhe me vendim të prokurorit është dërguar në mbajtje”, ka njoftuar Policia e Kosovës.