Policia e Kosovës ka njoftuar, më 1 janar 2025, se festimet për Vitin e Ri kaluan kryesisht pa incidente të rënda.
Sipas raportit të Policisë, si pasojë e përdorimit të pakujdesshëm të mjeteve piroteknike kanë ndodhur disa raste të lëndimeve trupore dhe dëme materiale, por nuk janë shënuar pasoja fatale.
“Mund të veçohet disa raste ‘shkaktim i rrezikut të përgjithshëm’ zjarr vënie, lëndim trupor, armëmbajtje pa leje etj, të cilat në konsultim me prokurorin policia ka iniciuar raste për trajtim dhe kompetencë të mëtejme ligjore”, thuhet në njoftim.
Policia, ka theksuar se ka zbatuar masa të shtuara sigurie dhe mbikëqyrje në rajone të ndryshme, theksoi se ka iniciuar disa raste për shkaktim të rrezikut të përgjithshëm dhe armëmbajtje pa leje.
PK-ja apelon për respektim të ligjit dhe rregullave të trafikut.