Policia e Kosovës ka njoftuar se të mërkurën ka gjetur një armë të llojit Zolla me prodhim serb, në Banjskë të Zveçanit.
Sipas njoftimit të Policisë, arma është sekuestruar si dëshmi materiale, ndërsa hetimet për këtë rast po vazhdojnë.
“Rreth orës 15:05, njësitë policore përmes rrugëve operative, kanë arritur të gjejnë në malet e fshatit Banjskë të Zveqanit një armë e llojit Zolla M-80, 64 mm, e prodhim serb. Në vendin e ngjarjes kanë dalë njësitë relevante policore, përfshirë edhe njësinë e specializuar për trajtimin e mjeteve eksplozive”, thuhet në njoftimin e PK-së.
Në njoftim thuhet se të gjitha veprimet e ndërmarra i janë paraqitur Prokurorit të Shtetit, i cili ka urdhëruar inicimin e rastit ‘’Mbajtja në pronësi, kontrollë ose posedim i pa autorizuar të armëve’’.
