“Drejtoria Rajonale e Policisë së Ferizajt, në bazë të autorizimit nga Prokuroria Themelore në Ferizaj, për publikimin e fotografive të personave në kërkim, lëshon kërkesë për bashkëpunim me qytetarët, me qëllim identifikimin dhe vendndodhjen e personave në kërkim policor, të cilët dyshohen për ‘Vrasje të rëndë”, thuhet në njoftimin e Policisë.
‘Vrasja e rëndë’ ka ndodhur me datën 10.05.2022 në Kaçanik , përballë ”Varrezave të Dëshmorëve” në vendin e quajtur ”Fusha e Pajtimit”, ku humbi jetën 30 vjeçari me inicialet H.B. (M/K), dhe mbeti i plagosur rëndë personi tjetër, me inicialet K.B (M/K) i moshës 32 vjeçare.
Personat e dyshuar janë: Hyqmet (Shaqir) Qorri dhe Lirim (Naser) Tusha.
Deri më tani, të dyshuarit nuk janë paraqitur në polici dhe janë në arrati.
“Policia kërkon nga qytetarët që, kushdo që ka ndonjë informacion rreth këtyre dy personave për vendndodhjen e tyre, të lajmërojnë policinë, stacionin më të afërt, apo përmes aplikacionit digjital ”Lajmëro Policinë” dhe në numrat kujdestarë : 192 ,0290/326-250 ose 0290/322-406″ thuhet tutje në njoftim.
Ndërsa për të gjitha informatat e dhëna në polici, të dhënat e juaja do të ruhen në konidencialitet të plotë.