Në kuadër të sigurisë në trafik Policia e Kosovës, i ka shqiptuar 235 gjoba për kundërvajtje të ndryshme për mjetet transportuese.
Në fotot e publikuara nga policia shihen kamionë me mallra të ndryshme ndaj pronarëve të të cilave janë shqiptuar gjoba.
Këtë aksion e ka marrë Njësia për Kontroll të Autostradave në bashkëpunim me Ministrinë e Mjedisit, Planifikimit Hapësinor dhe Infrastrukturës.
“…ku gjatë kontrolleve të këtyre mjeteve ka identifikuar kundërvajtje të ndryshme ku janë shqiptuar 235 gjoba për kundërvajtje të ndryshme vetëm për mjetet transportuese, ndërsa nga inspektorët e kësaj ministrie janë shqiptuar 39 fletëparaqitje për parregullsi në dokumentacion për ato mjete”, thuhet në njoftimin e policisë.
Policia e Kosovës ka apeluar tek të gjithë pjesëmarrësit në trafik që të kenë kujdes të shtuar, të respektojnë rregullat dhe shenjat e trafikut rrugor, të përshtatin shpejtësinë e lëvizjes me kushtet e rrugës dhe kushtet atmosferike, të mbajnë distancë në mes mjeteve me qëllim të ngritjes së sigurisë në trafikun rrugor.