Portugalia u kualifikua herët në fazën e 16-të në Kupën e Botës në Katar. Iberianët mposhtën Uruguain 2-0 dhe festuan fitoren e dytë në ndeshjen e dytë gjatë këtij kampionati.
Dy golat e Bruno Fernandes (54′, 90’+2/penalti) siguruan suksesin e kampionëve të Evropës të 2016 në Lusail (28/11/22). Raundi i 16-të i Botërorit 2018 në Rusi kundër Amerikanës së Jugut.
Portugalia udhëheq në grupin H me gjashtë pikë. Gana i ka tri pikë, ndërsa Koreja e Jugut dhe Uruguai i kanë nga një pikë. Bruno Fernandes vendosi sfidën mes Portugalisë dhe Uruguait. Në minutën e 54-t ai shënoi për 1:0.
Në fakt Fernandes krosoi, ndërsa Cristiano Ronaldo kërceu në tentim për ta goditur topin. Fillimisht goli i është evidentuar Ronaldos, por ndërkohë FIFA ka bërë përmirësim dhe golin ia ka numëruar Fernandesit.
Ndeshja Portugalia – Uruguai ishte e fundit e xhiros së dytë të fazës grupore. Të martën luhen katër ndeshjet e para të xhiros së tretë. Në grupin H, ndeshjet e fundit janë të premten. Portugalia luan me Korenë e Jugut, ndërsa në ndeshjen tjetër takohen Gana e Uruguai. Gara është e hapur për përfaqësuesen tjetër që kualifikohet.
