Presidenca del me sqarim: Zotëria i Parë nuk ka kërkuar mbrojtje të afërt

Gjatë ditës në mediat kosovare është raportuar se Zotëriut të Partë të shtetit, Prindon Sadriut, i është ofruar mbrojtje e afërt.

Për këtë ka dalë me sqarim Presidenca e Kosovës, e cila kanë theksuar se Sadriu nuk ka kërkuar mbrojtje të afërt.

“Reagim Zotëria i Parë nuk ka kërkuar mbrojtje të afërt. Mbrojtja e afërt i ofrohet familjes së presidentes në përputhje me ligj dhe me vlerësimet e rrezikshmërisë. Pika 4.3 e procedurave standarde të operimit të njësisë për vlerësimin e kërcënimit dhe rrezikut parashohin me automatizëm nivelin e lartë të rrezikshmërisë, i cili i takon Presidentes së Kosovës dhe familjes së ngushtë të saj”, thuhet në reagim.

Ndonëse në reagim thuhet se ditëve të fundit ndaj presidentes Vjosa Osmani dhe familjes së saj ka pasur kërcënime dhe kanosje, Sadriu nuk ka kërkuar mbrojtje të afër nga organet e sigurisë.

“Gjatë ditëve të fundit ka pasur vazhdimisht kanosje, kërcënime dhe nxitje dhune virtuele ndaj presidentes dhe familjes së saj të ngushtë, të cilat janë deponuar dhe janë duke u trajtuar nga Policia e Kosovës. Zotëria i Parë personalisht nuk ka kërkuar asgjë. Vlerësimet e sigurisë i bëjnë institucionet e sigurisë”, thuhet më tej në reagim.

Raportimet se Sadriut i është ofruar mbrojtje e afërt, vijnë pak ditë pas rastit në Ferizaj, ku u vra 89-vjeçari Sadri Sadriu, axha i zotëriut të Parë të shtetit, Prindon Sadriut.

Shija e redaktorit

Laura Fazliu stoliset me medalje të bronztë në Linz Grand...

Xhudistja kosovare, Laura Fazliu, ka fituar medaljen e bronztë në Grand Prix Upper, që po mbahet në Austri. Medalistja olimpike shënoi tri fitore në...

ShSKUK: Mbi 17 mijë lindje u kryen gjatë vitit 2024

Shërbimin Spitalor dhe Klinik Universitar i Kosovës (ShSKUK) ka bërë të ditur se gjatë vitit 2024 janë kryer 17 mijë e 495 lindje në...

Përurohet investimi i Dukagjinit në shkollën “Lidhja e Prizrenit” në...

Fëmijët e nivelit parashkollor në shkollën “Lidhja e Prizrenit” në Pejë, kishin festë vetëm një ditë para ditës së mësimdhënësve të tyre. Atyre, iu është...

Të fundit nga rubrika