Kryeministri i Shqipërisë, Edi Rama, ka pritur këtë të diel në Tiranë presidentin e Emirateve të Bashkuara Arabe, Mohamed bin Zayed Al Nahyan, në një vizitë historike për marrëdhëniet mes dy vendeve.
Shefi i qeverisë shqiptare ndau në rrjetet sociale momentet e mbërritjes së presidentit arab në aeroportin e Rinasit, si dhe pamje nga takimi në Pallatin e Brigadave.
Sipas mediave lokale, kjo është vizita e dytë e Mohamed bin Zayed Al Nahyan në Tiranë, dhe gjatë takimit zyrtar pritet të nënshkruhen marrëveshje të rëndësishme bashkëpunimi, kryesisht në fushën e energjetikës, por edhe në sektorë të tjerë strategjikë.