Presidenti ukrainas Volodymyr Zelenskyy, në një video-mesazh ka deklaruar se “libri i torturuesve”, i cili dokumenton krimet e luftës dhe kriminelët nga ushtria ruse, do të botohet në Ukrainë.
“Këto janë fakte specifike për njerëz të veçantë që janë fajtorë për krime specifike kundër ukrainasve”, ka thënë Zelenskyy.
“Libri i torturuesve është një nga themelet e përgjegjësisë jo vetëm të autorëve të drejtpërdrejtë të krimeve të luftës – ushtarëve të ushtrisë okupuese, por edhe të komandantëve të tyre”, ka deklaruar presidenti ukrainas.
Presidenti ukrainas ka shtuar se libri është themel i përgjegjësisë për ata që bënë gjithçka në Ukrainë.
“Në Bucha, Mariupol, në të gjitha qytetet tona, në të gjitha komunitetet që ka arritur”, ka thënë Zelenskyy.
Si proces i parë gjyqësor për krime të luftës, që nga fillimi i pushtimit rus, po konsiderohet dënimi me burg të përjetshëm i ushtarit rus 21-vjeçar.