Presidentja e Kosovës, Vjosa Osmani, e ka pritur në takim ministrin e Punëve të Jashtme të Maqedonisë së Veriut, Bujar Osmani, i cili është kryesues aktual i OSBE-së.
Më herët kryediplomati, Osmani është pritur në takim nga homologia Donika Gërvalla, ndërkaq më vonë do të takohet edhe me kreun e Qeverisë, Albin Kurti.
Osmani në takim me homologen Gërvalla ka shprehur mbështetje të fortë për dialogun Kosovë-Serbi.
Ai gjithashtu ka theksuar rëndësinë e bashkëpunimit rajonal në Ballkan dhe shmangien e tensioneve në veri të Kosovës.
Ndërkaq ministrja Gërvalla ka theksuar se janë pajtuar që të ketë thellim të bashkëpunimit edhe në shumë fusha në mes të Kosovës dhe Maqedonisë së Veriut.