Sipas zyrës së Presidentes së Kosovës, Presidnetja Vjosa Osmani në takim me kryediplomatin austriak, Alexander Schallenberg, ka theksuar së Kosova ka plotësuar kriteret për liberalizim vizash, ku sipas saj kjo tashmë i takon BE-së që ta mbajë premtimin në raport me popullin e Kosovës.
Në këtë kontekst, në njoftim thuhet se Presidentja ka kërkuar mbështetjen austariake për këtë qështje si dhe për procesin e anëtarësimit të Kosovës në Këshillin e Evropës dhe organizata të tjera ndërkombëtare.
Gjatë këtij diskutimi janë zhvilluar edhe bisedime për raportin me agresionin e Rusisë ndaj Ukrainës. ”Presidentja Osmani ka deklaruar se qëndrimi i Kosovës është plotësisht në përputhje me BE-në, SHBA-në dhe të gjitha vendet demokratike”.
Ndërsa për dialogin Kosove-Serbi, sipas njoftimit thuhet se Presidentja Osmani ka theksuar se duhet të përqendrohen në njohjen reciproke.
“Kosova është palë konstruktive në këtë proces dhe rendi kushtetues, sovraniteti dhe kufijtë aktualë janë të panegociueshëm”, ka thënë Presidentja Osmani.
Gjithashtu, në këtë takim është diskutuara edhe për marrëdhëniet ndërshtetërore, në të cilën dy palët shprehën gatishmëri për thellimin e tyre, në fushën e politikës së jashtme, arsimit, shkëmbimit tregtar, si dhe fusha të tjera të interesit reciprok.