Presidentja e Kosovës, Vjosa Osmani, ka pritur në takim kryeshefen ekzekutive të MCC-së, Alice Albrigbht. Presidentja Osmani në takim me Albright kanë biseduar rreth zbatimit të marrëveshjes historike për programin Kompakt më MCC-në, në vlerë prej 236 dollarësh.
Këtë e ka bërë të ditur vetë presidentja Osmani nëpërmjet një njoftimi në llogarinë e saj në Facebook, ku ka thënë “Jemi gjithnjë krenarë me partneritetin e palëkundur në mes të Republikës së Kosovës dhe Shteteve të Bashkuara të Amerikës”.
“Një takim i përzemërt e përmbajtjesor sot me krye-shefen ekzekutive të MCC-së, Alice Albright. Diskutuam për zbatimin e marrëveshjes historike për programin Kompakt me MCC-në, në vlerë prej 236 milion dollarësh i cili është investimi më i madh në sektorin e energjisë në Republikën e Kosovës nga partneri ynë strategjik, ShBA-të”, ka shkruar Osmani.
Alcie Albright është e vajza e ish-sekretarë së Shtetit amerikan, Madeleine Albright, e për këtë presidentja Osmani ka ndarë një mirënjohje për kontributin e jashtëzakonshëm të nënës së saj, për lirinë dhe pavarësinë e popullit tonë.
“Nuk mund të përmbyllej ky takim pa një mirënjohje të thellë të cilën ia shpreha znj. Albright në emër të popullit të Kosovës për kontributin e jashtëzakonshëm të nënës së saj, ish-sekretares së Shtetit, Madeleine Albright, për lirinë dhe pavarësinë e popullit tonë”, ka përfunduar Osmani.