Presidentja e vendit, Vjosa Osmani, në kuadër të Forumit Diplomatik të Antalyas në Turqi është takuar edhe me presidentin e ri të Sirisë, Assad al-Shibani.
Në takimin e Osmanit me al-Shibanin flamujt e dy shteteve kanë qenë prezent mbi tavolinën e takimit, pavarësisht që Siria ende nuk e ka njohur pavarësinë e Republikës së Kosovës.
Osmani në një postim në Facebook ka paralajmruar se Kosova dhe Siria po hapin rrugën e bashkëpunimit duke shtuar se populli i Kosovës dhe populli i Sirisë kanë përjetuar vuajtje të panumërta nga regjime diktatoriale e gjenocidale, në luftën e tyre për të qenë të lirë.
“Sot, me Presidentin e Sirisë së lirë, z.Ahmed al Sharaa, kishim takimin tonë të parë për ta hapur kapituj të ri bashkëpunimi ndërmjet dy vendeve tona”.
“Kosova dhe Siria ndajnë plagë të njëjta: dhimbjen e luftës, shpërnguljen, e sfidat e rindërtimit, ndaj Kosova është e gatshme ta ndajë përvojën e saj në ndërtimin e institucioneve demokratike”, ka shkruar Osmani.
Presidentja Osmani gjatë qëndrimit në Turqi, ka takuar edhe presidentin turk, Reccep Tayip Erdogan.
Ajo po merr pjesë në forum me ftesë të presidentit Erdogan.