Presidentja e Kosovës, me ftesë të kryeministrit të Shqipërisë, Edi Rama, ka udhëtuar për në Tiranë ku do të marrë pjesë në Samitin III për Diasporë.
Në këtë samit, pritet të marrin pjesë liderë institucionesh, partish politike, studiues dhe historianë nga e gjithë hapësira shqiptare, duke përfshirë edhe përfaqësues dhe figura të njohura të komunitetit arbëresh.
Siç njofton presidenca, Osmani në Samitin III për Diasporën do t’u adresohet të pranishmëve me një fjalim.
Samiti III për Diasporën do t’i zhvillojë punimet më 22-23 nëntor.