Pritje të gjata në kufirin te Dheu i Bardhë, kolona mbi 1.5 kilometra
Pritje të gjata janë regjistruar në mesditë në hyrje të pikës kufitare te Dheu i Bardhë.
Sipas njoftimit të Qendrës Kombëtare për Menaxhim Kufitar, koha e pritjes arrin deri në 120 minuta, ndërsa kolona e automjeteve është mbi 1.5 kilometra.
Në pikat kufitare Jarinjë dhe Merdar, situata është më e qetë, me pritje deri në 10 minuta.
Pritjet në pikat kufitare për të hyrë në Kosovë, të cilat zakonisht shënojnë rritje gjatë ardhjes së bashkatdhetarëve për festat e fundvitit, mëngjesin e së martës kishin rënë ndjeshëm.
Hyrjet nga Serbia në Kosovë, nga regjistrimi prej orës 08:00 të mëngjesit ishin vetëm 5 deri në 10 minuta.