Profesori i biologjisë, Bujar Krasniqi, ka prezantuar atlasin e biodiversitetit të komunës së Prishtinës.
Në emisionin “Reload”,në RTV Dukagjini, profesori Krasniqi ka thënë se fotografitë e prezantuara në atlas janë të mbledhura nga terreni e që të njëjtat përshkruajnë biodiversitetin.
Ai ka njoftuar se 70 për qind e tyre janë të shkrepura në Kolovicë, në një pjesë të Gërmisë, në Makoc dhe një në pjesën e Batllavës.
“Fakulteti i Biologjisë ka pasur një departament me mjete moderne, tash po ndërtohet edhe ndërtesa e re të FSHMN-së, dhe besoj që do të ketë kabinete e laboratore moderne. Atlasi në fjalë është punim që e kam realizuar unë dhe janë fotografi të mbledhura në terren, që përshkruajnë biodiversitetin. 70 për qind e fotografive janë në Kolovicë, një pjesë në Gërmi e disa fotografi janë të realizuara në Makoc dhe një është në pjesën e Batllavës”, tha ai.
Krasniqi theksoi se atlasi përmban 42 lloje ku janë të përfshira shpendët, gjitarët, disa lloje të bimëve dhe kërpudhave.