Prokuroria Themelore në Prishtinë ka autorizuar Policinë e Kosovës për të nisur hetimet lidhur me procesin e votimit me postë në zgjedhjet parlamentare të 9 shkurtit.
Në një përgjigje për Dukagjinin, Prokuroria konfirmoi se ka marrë këtë hap për të grumbulluar dhe verifikuar informacione, por nuk mund të japë më shumë detaje në këtë fazë të procedurës.
“Lidhur me pyetjen tuaj ju njoftojmë se Prokuroria Themelore në Prishtinë ka autorizuar Policinë e Kosovës në grumbullimin dhe verifikimin e informacioneve. Mirëpo, në këtë fazë të procedurës nuk mund të jepen detaje më të hollësishme sepse do të cenohej procesi hetimor”, thuhet në përgjigjen e Prokurorisë.
PZAP rrëzon ankesën e VV-së kundër rezultateve përfundimtare
Lëvizja Vetëvendosje kërkoi të anulohen rezultatet e votimit me postë për Lidhjen Demokratike të Kosovës dhe kandidatët e saj, duke pretenduar se ka pasur “vjedhje industriale të votave”. Pas refuzimit të ankesës nga PZAP, VV-ja ka apeluar vendimin e Panelit Zgjedhor për Ankesa dhe Parashtresa (PZAP) në Gjykatën Supreme të Kosovës.
Vetëvendosje apelon vendimin e PZAP-së në Gjykatën Supreme
Gjykata Supreme sot pritet të dalë me vendim edhe për dy ankesa të partive dhe më pas pritet të bëhet certifikimi i rezultateve nga Komisioni Qendror i Zgjedhjeve