Prokuroria Themelore e Gjakovës ka dhënë detaje në lidhje me aksidentin e ndodhur mbrëmë, ku u përfshi zëvendësministri i Zhvillimit Rajonal, Ali Tafarshiku.
Sipas informacionit, ai ishte duke drejtuar veturën në gjendje të dehur dhe goditi një motoçiklist, duke i shkaktuar lëndime të lehta trupore.
Në një përgjigje për Dukagjinin Prokuroria e Gjakovës ka bërë të ditur se ka iniciuar një rast për veprën penale “Ngasja në gjendje të paaftë apo të dehur”.
“Lidhur me rastin në fjalë ju njoftojmë se është iniciuar rast për veprën penale “Ngasja në gjendje të paaftë apo të dehur” nga neni 371 të KPRK-së.
I dyshuari është intervistuar në stacioni policor, të dëmtuarit i është dhënë ndihma mjekësore ku ka rezultuar se ka pësuar lëndim të lehtë trupor.
Rasti është në hetime dhe është duke u trajtuar në procedure të rregullt”, thuhet në përgjigje.