PSG ka refuzuar mundësinë për të nënshkruar me fubollistin Cristiano Ronaldo, superylli dëshiron që të largohet nga Old Trafford këtë verë në mënyrë që të konkurojë për trofe, raporton dailymail.
Trajneri Erik ten Hag është tronditur me kërkesën e Ronaldos, pasi ka kërkuar që të largohet nga Old Trafford këtë verë, sepse ai dëshiron të konkurojë për trofe, megjithëse shumë pak klube mund ta përballojnë pagën e tij prej 500 mijë paund në javë.
Burime të tjera shtuan se PSG nuk mendon se Ronaldo është nënshkrimi i duhur në këtë moment dhe se klubi nuk ka hapësirë të mjaftueshme në faturën e pagave për ta paguar atë.
Megjithëse, më 11 korrik Erik ten Hag kishte pasur një bisedë me Ronaldon i cili nuk i kishte thënë se dëshiron që të largohet, këtë e ka bërë të ditur gazetari Italian, Fabrizio Romano.
Erik ten Hag: "I spoke with Cristiano Ronaldo before this issue came up. I had a good conversation with him. He hasn't told me that he wants to leave… I have read. We want success together". 🚨🇵🇹 #MUFC
— Fabrizio Romano (@FabrizioRomano) July 11, 2022
Ten Hag kishte këmbëngulur se klubi dëshiron që Ronaldo të mbetet me ekipin, “Ne po planifikojmë për Cristiano Ronaldon për sezonin dhe kaq”, ka thënë Ten Hag. “Mezi pres të punoj me të. Kam lexuar që ai dëshiron të largohet, por ajo që them është se Cristiano nuk është në shitje, ai është në planet tona dhe ne duam sukses së bashku,” shtoi Ten Hag.