Presidenti rus Vladimir Putin do të organizojë një ceremoni në një sallë të zbukuruar të Kremlinit për të shpallur sundimin e Rusisë mbi rreth 15% të Ukrainës, aneksimi më i madh në Evropë që nga epoka naziste.
Shpallja do të pasohet nga një koncert festiv pop jashtë mureve të Kremlinit në Sheshin e Kuq.
Aneksimi i Rusisë i zonave të Donetskut, Luhansk, Kherson dhe Zaporizhzhia është dënuar në Perëndim dhe më gjerë.
Shefi i OKB-së Antonio Guterres e ka quajtur atë si një “përshkallëzim të rrezikshëm” dhe një shkelje të kartës së Kombeve të Bashkuara.
Ndërsa presidenti i Ukrainës Volodymyr Zelensky të enjten e 29 shtatorit ka thënë që duhet ta ndalojnë Putinin i cili më shumë do luftën se jetën, raporton euronews.
“Ajo mund të ndalet ende. Por për ta ndaluar atë, ne duhet të ndalojmë atë person në Rusi që do luftë më shumë se jetën. Jetët tuaja, qytetarë të Rusisë”, ka shtuar Zelensky.
Rusia për disa javë me radhë ka pësuar disfatë nga forcat ukrainase në fushëbetejë të cilët u rrëzuan nga pozicionet e tyre në verilindje të Ukrainës.
Ndryshe Putin kishte urdhëruar thirrjen e qindra mijëra rezervistëve rusë, lëvizje e cila ka bërë që dhjetëra mijëra burra rusë të ikin përtej kufijve për t’i shpëtuar dërgimit në luftë.